Proverbi, filastrocche e canti popolari di Felitto
Paiese miu
A l’antrasatta ‘u veu
ngimma ‘na tempa
r’aulive, r’ ilici e re cerze,
appisu a lu sderrupo;
scorre l’acqua re lo iumo a Remolino,
musica canusciuta.
Ra fore torna ccù lu ciuccio appresso
chiano, chiano ‘na vecchiaredda
ccu’ lu sarcinieddo ‘ngapo.
E ra lontano, sento na ciaramedda.
So’ ‘e ‘mmeie ‘sti voci, ste prete,
ste facci vrusciate ra lo sole,
‘ccà le rareche ‘mmeie se so chiantate.
Chisto è lo paiese miu!
La torre
‘Mpere ‘u paiese miu
‘n ‘g’ è ‘na torre,
longobarda o normanna
cche nne saccio.
‘N ‘ge yamo a pazzia
ra zurieddi,
a chera vecchia torr
re lo paiese miu.
Mo ‘ so ‘ restate
quatto caucirogne,
‘nu muro scapezzato,
e ‘na fecania.
Uarda la vadde sulu nu pirtusu
cù nu finucchiu
e ddoie rose salovateche.
Cantu a la Cilintana
Nui ca nascemmo fi… .gli ri Cilientu
‘nn ‘aviamu ‘nzurà ‘na cilintana
nn ‘avijamu ‘nzurà ‘na cilintana,
‘na paisana ccù…li scocche rosa
lu piettu chino ma abbrihugnosa,
lu piettu chjinu ma abbrihugnosa.
Ma i’ mi nijetti fo…re ppefatija
e cussi facietti chesta fissarija
e cussi facietti chesta fissarija,
scuntai ‘na zoria co li… capiddi mele
e inta l’uocchi cupu re lo mare,
e inta l’uocchi cupu re lo mare
i’ la guardai e je … dda mi huardau,
rammi ‘nu vasu e jedda mi vasau,
rammi nu vasu e iedda mi vasau,
vuljia ‘nu vasu e me… ne rette cientu
nun mi ‘nzurai cchiù a lu Cilientu.
Nun mi ‘nzurai cchiù a lu Cilientu.
Mugliere e vvuoi ri li…paisi tuoi,
ancora oji chiangu chistu huaiu.
Ancora oji chiangu chistu huaiu.
Le filastrocche della nonna
Tre pulici vicino a na unnedda
Uno saglie
Uno scenne
E uno face la tarantella
Quann mamma marita sta figlia
Na vacca e nu vtiedd
Amma a’ ccattà
E tutto lu parentato
Amma ‘nvità
Ieri a la fera
A ‘ccattai li buttuni
Na ‘accattai cient’e uno
Cient’ e un’ e na patacca
Sabbato abbotta
E domenica schiatta!
Alla nì alla nà
Come ta’ fatt ‘mbruglià!
Nu viecchiu te si’ spusata
Pane cuott’ le ra’
Bella figliola ‘te si’ maritata
Chisso giovane chi ta ‘ pigliato
Pare lo giglio re lo paraviso
E chisso rono
Chi t’amo portato
Cient’anni pozza fa’ chi te l’a ddato!
Santa Barbara ia p’ mari
Nu s ‘mbunnia n’ se necava
Scuntao Santa Maria
Ch ‘vai facendo’ devota mia?
Vao stagliann’ truoni e lampi
P’ saluà tutti quanti!
‘Ngera na vota nu sorice e na carota
cume ggira e cume vota
u bbuò sente n’ ata vota?
